Dendang Dayang Dairi

Cupak panuah gantang balanjuang
Jatuah ka Alam Minangkabau
Pusako urang tigo luak

Salam jo sambah ka kami anjuang
Ukua jo jangko kok talampau
Rela jo maaf kami mintak

Kami rang ranah pandai sikek
Kampuang lah tanjuang jo pagu - pagu
Kampuang baruah jo koto tinggi

Kok ado tadorong nan jo talompek
Tolonglah sapo dek nan tau
Usahlah di simpan dalam hati

Anaklah urang talang batagak
Pandai basanggua lipek tigo
Hari nan sadang tangah hari

Eloklah randai di baok tagak
Kami manari jo bacurito
Curito gadih Nilam Suri